വിവിധ ആവശ്യങ്ങളുന്നയിച്ച് എഫ്.എസ്.ഇ.ടി.ഒ യുടെ നേതൃത്വത്തിൽ ജീവനക്കാരും അദ്ധ്യാപകരും മാർച്ചും ധർണ്ണയും നടത്തി..പി.എഫ്.ആർ.ഡി.എ നിയമം പിൻവലിക്കുക ,നിർവചിക്കപ്പെട്ട ആനുകൂല്യം ഉറപ്പാക്കുന്ന പഴയ പെൻഷൻ പദ്ധതി നടപ്പിലാക്കുക, ശമ്പളപരിഷ്കരണ നടപടികൾ ആരംഭിക്കുക, ക്ഷാമബത്ത ശമ്പള പരിഷകരണ കുടിശികകൾ ഉടൻ അനുവദിക്കുക, കേരളത്തോടുള്ള കേന്ദ്ര ഗവൺമെൻ്റിൻ്റെ സാമ്പത്തിക ഉപരോധം അവസാനിപ്പിക്കുക, വിലക്കയറ്റം തടയുക, വർഗീയതയെ ചെറുക്കുക, ക്ഷാമബത്തയ്ക്കും ശമ്പള പരിഷ്കരണത്തിനും ആവശ്യമായ തുകയ്ക്ക് ആനുപാതികമായി കേന്ദ്ര വിഹിതം അനുവദിക്കുക, ദേശീയ വിദ്യാഭ്യാസനയം 2020 പിൻവലിക്കുക, സർവകലാശാലകളുടെ ജനാധിപത്യ അവകാശം സംരക്ഷിക്കുക, എച്ച്. ബി. എ , മെഡിസെപ്പ് പദ്ധതികൾ കാര്യക്ഷമമാക്കുക എന്നീ മുദ്രാവാക്യങ്ങൾ ഉയർത്തിക്കൊണ്ടാണ് സർക്കാർ ജീവനക്കാരും അദ്ധ്യാപകരും മാർച്ചും ധർണ്ണയും നടത്തിയത്. രാവിലെ 11.30 ന് പത്തനംതിട്ട സെൻ്റ് പീറ്റേഴ്സ് ജംഗ്ഷനിൽ നിന്നുമാരംഭിച്ച മാർച്ച് കളക്റ്ററേറ്റ് പരിസരത്ത് സമാപിച്ചു.തുടർന്ന് നടന്ന ധർണ്ണ കെ.എസ്.ടി.എ.സംസ്ഥാന സെക്രട്ടറി എൽ.മാഗി ഉദ്ഘാടനം ചെയ്തു. എഫ്.എസ്.ഇ.ടി.ഒ. ജില്ലാ പ്രസിഡൻ്റ് ബിനു ജേക്കബ് നൈനാൻ അദ്ധ്യക്ഷത വഹിച്ചു. എൻ.ജി.ഒ യൂണിയൻ സംസ്ഥാന സെക്രട്ടേറിയറ്റംഗം സി.വി.സുരേഷ് കുമാർ, കെ.എസ്.ടി.എ സംസ്ഥാന എകിക്യൂട്ടിവ് അംഗം സി ബിന്ദു, എൻ.ജി.ഒ .യൂണിയൻ ജില്ലാ സെക്രട്ടറി ആർ. പ്രവീൺ,കെ.ജി.എൻ എ സംസ്ഥാന സെക്രട്ടേറിയറ്റംഗം കെ.ജി.ഗീതാമണി എ.കെ.പി.സി.റ്റി.എ ജില്ലാ സെക്രട്ടറി റെയ്സൺ സാം രാജു,കെ. എൻ.ടി.ഇ.ഒ ജില്ലാ സെക്രട്ടറി സജി തോമസ് എന്നിവർ സംസാരിച്ചു.എഫ്.എസ്.ഇ .ടി.ഒ ജില്ലാ സെക്രട്ടറി ജി അനീഷ് കുമാർ സ്വാഗതവും ജില്ലാ ട്രഷറർ സുമേഷ് സി വാസുദേവൻ നന്ദിയും പറഞ്ഞു. എസ്. ലക്ഷ്മീദേവി, ജി.ബിനുകുമാർ, കെ.ഹരികുമാർ,എസ്.രാജേഷ്,എ കെ. പ്രകാശ്.ഡോ:ജാൻകി ദാസ്,ദീപാ ജയപ്രകാശ്,ബോണി മോൻ സ്കറിയ എന്നിവർ മാർച്ചിന് നേതൃത്വം നൽകി