കണ്ണൂർ; കേന്ദ്ര സർക്കാരിന്റെ ജനവിരുദ്ധ തൊഴിലാളി ദ്രോഹ നയങ്ങൾക്കെതിരെ കേന്ദ്ര ട്രേഡ് യൂണിയനുകളും സ്വതന്ത്ര ഫെഡറേഷനുകളും സർവീസ് സംഘടനകളും സംയുക്തമായി 2025 ജൂലൈ 9ന് നടത്തുന്ന ദേശീയ പണിമുടക്കിന്റെ ഭാഗമായി സംസ്ഥാന ജീവനക്കാരും അധ്യാപകരും ആക്ഷൻ കൗൺസിൽ ഓഫ് സ്റ്റേറ്റ് എംപ്ലോയിസ് ആൻഡ് ടീച്ചേഴ്സിന്റെ നേതൃത്വത്തിൽ കണ്ണൂർ താലൂക്ക് കൺവെൻഷൻ സംഘടിപ്പിച്ചു.
കണ്ണൂർ ടി കെ ബാലൻ സ്മാരക ഹാളിൽ നടന്ന കൺവെൻഷൻ കെ എസ് ടി എ സംസ്ഥാന ട്രഷർ എ കെ ബീന ടീച്ചർ ഉദ്ഘാടനം ചെയ്തു. എഫ് എസ് ഇ ടി ഒ താലൂക്ക് പ്രസിഡൻ്റ് കെ പ്രീന അധ്യക്ഷത വഹിച്ചു.
കേരള എൻ ജി ഒ യൂണിയൻ ജില്ലാ പ്രസിഡൻ്റ് പി പി സന്തോഷ് കുമാർ, എഫ് എസ് ഇ ടി ഒ താലൂക്ക് സെക്രട്ടറി ടി വി പ്രജീഷ് , പ്രത്യുഷ് പുരുഷോത്തമൻ എന്നിവർ സംസാരിച്ചു.