കണ്ണൂർ: വയനാട് മുണ്ടക്കൈ ചൂരൽമല പ്രകൃതിദുരന്ത പുനരധിവാസ പദ്ധതിക്ക് സഹായം നിഷേധിക്കുന്ന കേന്ദ്രസർക്കാർ നിലപാടിൽ പ്രതിഷേധിച്ച് ജീവനക്കാരും അധ്യാപകരും ആക്ഷൻ കൗൺസിൽ ഓഫ് സ്റ്റേറ്റ് എംപ്ലോയീസ് & ടീച്ചേഴ്സ്ന്റെ നേതൃത്വത്തിൽ കണ്ണൂർ കലക്ടറേറ്റ് പരിസരത്ത് പ്രതിഷേധ സദസ്സ് സംഘടിപ്പിച്ചു.
കെ ജി ഒ എ സംസ്ഥാന സെക്രട്ടറി ഡോ. ഇ വി സുധീർ ഉദ്ഘാടനം ചെയ്തു. എഫ് എസ് ഇ ടി ഒ ജില്ലാ പ്രസിഡൻ്റ് കെ ശശീന്ദ്രൻ അധ്യക്ഷത വഹിച്ചു. കേരള എൻ ജി ഒ യൂണിയൻ സംസ്ഥാന സെക്രട്ടറിയേറ്റംഗം എ എം സുഷമ, എൻ ജി ഒ അസോസിയേഷൻ (എസ്) സംസ്ഥാന പ്രസിഡൻ്റ് കെ വി ഗിരീഷ്, കെ എൻ ടി ഇ ഒ ജില്ലാ സെക്രട്ടറി പ്രത്യുഷ് പുരുഷോത്തമൻ എന്നിവർ പ്രസംഗിച്ചു. എഫ് എസ് ഇ ടി ഒ ജില്ലാ സെക്രട്ടറി പി പി സന്തോഷ് കുമാർ സ്വാഗതവും ട്രഷറർ കെ ഷാജി നന്ദിയും പറഞ്ഞു.
