പി എഫ് ആർ ഡി എ നിയമം പിൻവലിക്കുക, എൻ പി എസ് പദ്ധതി ഉപേക്ഷിക്കുക, കേന്ദ്ര സംസ്ഥാന സർവീസിലെയും പൊതുമേഖലാ സ്ഥാപനങ്ങളിലെയും ഒഴിവുകൾ നികത്തുക, കരാർ നിയമനങ്ങൾ അവസാനിപ്പിക്കുക, പൊതുമേഖലാ സ്ഥാപനങ്ങളുടെ ഓഹരി വില്പനയും സ്വകാര്യവൽക്കരണവും അവസാനിപ്പിക്കുക, മരവിപ്പിച്ച ക്ഷാമബത്ത ഉൾപ്പെടെ മുഴുവൻ ക്ഷാമബത്തയും അനുവദിക്കുക, ആശ്രിത നിയമനത്തിലെ തടസ്സങ്ങൾ നീക്കുക, ട്രേഡ് യൂണിയൻ ജനാധിപത്യ അവകാശങ്ങൾ സംരക്ഷിക്കുക തുടങ്ങിയ മുദ്രാവാക്യങ്ങൾ ഉയർത്തിക്കൊണ്ട് കോൺഫഡറേഷൻ ഓഫ് സെൻട്രൽ ഗവൺമെന്റ് എംപ്ലോയീസ് അസോസിയേഷന്റെയും ഓൾ ഇന്ത്യ സ്റ്റേറ്റ് ഗവൺമെന്റ് എംപ്ലോയീസ് ഫെഡറേഷന്റെയും സംയുക്ത അഭിമുഖ്യത്തിൽ മാർച്ച് 14ന് നടക്കുന്ന പാർലമെന്റ് മാർച്ചിന് ഐക്യദാർഢ്യം പ്രഖ്യാപിച്ചുകൊണ്ട് ജില്ലയിലെ വിവിധ കേന്ദ്രങ്ങളിൽ കേന്ദ്ര സംസ്ഥാന ജീവനക്കാർ കേന്ദ്ര സർക്കാർ സ്ഥാപനങ്ങൾക്ക് മുന്നിൽ പ്രകടനം നടത്തി. ആലപ്പുഴ ഹെഡ് പോസ്റ്റ് ഓഫീസിനു മുന്നിൽ നടന്ന പ്രകടനം കെ എസ് ടി എ ജില്ലാ സെക്രട്ടറി പി ഡി ജോഷി ഉദ്ഘാടനം ചെയ്തു കോൺഫെഡറേഷൻ നേതാവ് സിഗ്ന അധ്യക്ഷത വഹിച്ച യോഗത്തിൽ എൻജിഒ യൂണിയൻ ജില്ലാ സെക്രട്ടറി ബി സന്തോഷ്, പി എസ് സി എംപ്ലോയീസ് യൂണിയൻ സംസ്ഥാന വൈസ് പ്രസിഡന്റ് വി കെ രാജു, കെ എസ് ടി എ സംസ്ഥാന എക്സിക്യൂട്ടീവ് അംഗം വി അനിത, ജില്ലാ പ്രസിഡന്റ് വിജയലക്ഷ്മി, എൻ ജി ഒ യൂണിയൻ ജില്ലാ ജോയിന്റ് സെക്രട്ടറി ടി കെ മധുപാൽ, എഫ് എസ് ഇ ടി ഒ താലൂക്ക് സെക്രട്ടറി എൻ അരുൺകുമാർ എന്നിവർ സംസാരിച്ചു. കാർത്തികപ്പള്ളി താലൂക്കിൽ നടന്ന പ്രകടനം സംസ്ഥാന സെക്രട്ടറിയേറ്റ് അംഗം സി കെ ഷിബു ഉദ്ഘാടനം ചെയ്തു എൻജിഒ യൂണിയൻ ജില്ലാ വൈസ് പ്രസിഡണ്ട് പി പി അനിൽകുമാർ അഭിവാദ്യം ചെയ്തു കുട്ടനാട്ടിൽ എൻജിഒ യൂണിയൻ സംസ്ഥാന കമ്മിറ്റി അംഗം എസ് ഉഷാകുമാരി ഉദ്ഘാടനം ചെയ്തു. എൻ ജി ഒ യൂണിയൻ ജില്ലാ വൈസ് പ്രസിഡന്റ് ബൈജു പ്രസാദ്, കെ എസ് ടി എ സബ്ജില്ലാ സെക്രട്ടറി റോബർട്ട് അഭിവാദ്യം ചെയ്തു. മാവേലിക്കരയിൽ എൻജിഒ യൂണിയൻ ജില്ലാ പ്രസിഡന്റ് പി സജിത്ത് ഉദ്ഘാടനം ചെയ്തു കെ എസ് ടി എ സംസ്ഥാന കമ്മിറ്റി അംഗം സി ജ്യോതി കുമാർ അഭിവാദ്യം ചെയ്തു ചെങ്ങന്നൂരിൽ എൻജിഒ യൂണിയൻ സംസ്ഥാന കമ്മിറ്റി അംഗം പി സി ശ്രീകുമാർ ഉദ്ഘാടനം ചെയ്തു കെ ജി ഒ എ ജില്ലാ വൈസ് പ്രസിഡന്റ് ഡോക്ടർ ശ്രീകല അഭിവാദ്യം ചെയ്തു. എൻ എഫ് പി ടി എ നേതാവ് ശശികുമാർ അധ്യക്ഷത വഹിച്ചു. ചേർത്തലയിൽ കോൺഫഡറേഷൻ ജില്ലാ സെക്രട്ടറി വി കൃഷ്ണകുമാർ ഉദ്ഘാടനം ചെയ്തു. എൻജിഒ യൂണിയൻ സംസ്ഥാന കമ്മിറ്റി അംഗം എൽ മായ, എൻ ജി ഒ യൂണിയൻ ജില്ലാ ട്രഷറർ സി സിലീഷ്, കോൺഫെഡറേഷൻ സംസ്ഥാന കമ്മിറ്റി അംഗം കെസി പ്രഭ എന്നിവർ സംസാരിച്ചു.