ത്രിപുരയിലെ സർക്കാർ ജീവനക്കാർക്കെതിരെ നടത്തുന്ന അതിക്രമങ്ങളിൽ പ്രതിഷേധം. ത്രിപുരയിലെ പതിമൂന്നാം നിയമസഭ തെരഞ്ഞെടുപ്പ് ഫലം പുറത്ത് വന്നത് മുതൽ എണ്ണമറ്റ അക്രമ സംഭവങ്ങളാണ് അരങ്ങേറുന്നത്. ആയിരക്കണക്കിന് ജീവനക്കാരും അധ്യാപകരുമാണ് അക്രമത്തിന് ഇരയായി കൊണ്ടിരിക്കുന്നത്. ഇതിൽ പ്രതിഷേധിച്ച് എഫ് എസ് ഇ ടി ഒ ജില്ലാ കമ്മറ്റിയുടെ നേത്യത്വത്തിൽ പ്രകടനവും യോഗവും നടത്തി. എൻ ജി ഒ യൂണിയൻ ജില്ലാ കമ്മറ്റി ഓഫീസിൽ നിന്നും ആരംഭിച്ച പ്രകടനം കളക്ട്രേറ്റിന് മുന്നിൽ സമാപിച്ചു. തുടർന്ന് ചേർന്ന പ്രതിഷേധ യോഗം എഫ് .എസ് .ഇ.ടി ഒ ജില്ലാ സെക്രട്ടറി എ എ ബഷീർ ഉദ്ഘാടനം ചെയ്തു. കെ ജി ഒ എ ജില്ലാ സെക്രട്ടറി രമേശ് ഗോപിനാഥ് പി.എസ്.സി എംപ്ലോയീസ് യൂണിയൻ ജില്ലാ സെക്രട്ടറി പി ബിജു എൻ ജി ഒ യൂണിയൻ ജില്ലാ പ്രസിഡന്റ് പി സജിത്ത് എന്നിവർ സംസാരിച്ചു