റവന്യൂ വകുപ്പില്‍ സ്ഥലംമാറ്റങ്ങള്‍ മാനദണ്ഡപ്രകാരം നടപ്പാക്കുക.
റവന്യൂ വകുപ്പിലെ സ്ഥലംമാറ്റങ്ങള്‍ പൊതുമാനദണ്ഡപ്രകാരം നടപ്പാക്കണമെന്നാവശ്യപ്പെട്ട് ജീവനക്കാര്‍ ലാന്‍റ് റവന്യൂ കമ്മീഷണറേറ്റ്, ജില്ലാ കലക്ടറേറ്റുകള്‍, താലൂക്ക് ഓഫീസുകള്‍ എന്നിവക്കു മുമ്പില്‍ 2022 ഫെബ്രുവരി 9ന് പ്രകടനം നടത്തി. 2017ലെ സര്‍ക്കാര്‍ ഉത്തരവ് പാലിക്കാതെ ഭേദഗതി ഉത്തവരവ് കൊണ്ടു വന്ന് സ്ഥലംമാറ്റങ്ങള്‍ അട്ടിമറിക്കുന്ന സാഹചര്യമാണ് ഇപ്പോഴുള്ളത്.മലപ്പുറം കലക്ടറേറ്റിനു മുമ്പില്‍ ജില്ലാ സെക്രട്ടറി കെ.വിജയകുമാര്‍ പ്രകടനം ഉദ്ഘാടനം ചെയ്തു.
28 പുതിയ ഫാസ്റ്റ് ട്രാക്ക് കോടതികള്‍-ജീവനക്കാര്‍ ആഹ്ലാദപ്രകടനം നടത്തി.
സംസ്ഥാനത്ത് പോക്സോ കേസുകള്‍ കൈകാര്യം ചെയ്യുന്ന ഫാസ്റ്റ് ട്രാക്ക് കോടതികളും ആവശ്യമായ തസ്തികകളും അനുവദിക്കാനുള്ള സര്‍ക്കാര്‍ തീരുമാനത്തില്‍ ആഹ്ലാദം പ്രകടിപ്പിച്ച് ജീവനക്കാര്‍ കോടതികള്‍ക്കു മുമ്പില്‍ പ്രകടനം നടത്തി. കേസുകള്‍ കെട്ടിക്കിടക്കുന്ന സാഹചര്യത്തില്‍ മാറ്റമുണ്ടാക്കനും സമയബന്ധിതമായി തീര്‍പ്പു കല്‍പ്പിക്കാനും ഇതോടെ സാധ്യമാകും. മലപ്പുറം സി.ജെ.എം.കോടതിക്കു മുമ്പില്‍ യൂണിയന്‍ ജില്ലാ ട്രഷറര്‍ ഇ.പി.മുരളീധരന്‍ പ്രകടനം ഉദ്ഘാടനം ചെയ്തു.
ജനവിരുദ്ധ കേന്ദ്രബജറ്റ്- ജീവനക്കാരും അദ്ധ്യാപകരും പ്രതിഷേധിച്ചു.
രാജ്യത്തെ ജനങ്ങളെ മറന്ന് കോര്‍പ്പറേറ്റുകള്‍ക്കു വേണ്ടി അവതരിപ്പിച്ച കേന്ദ്രബജറ്റിനെതിരെ എഫ്.എസ്.ഇ.ടി.ഒ.നേതൃത്വത്തില്‍ ജീവനക്കാരും അദ്ധ്യാപകരും ഓഫീസ് കേന്ദ്രങ്ങളില്‍ 2022 ഫെബ്രുവരി 2ന് പ്രതിഷേധപ്രകടനം നടത്തി. എല്‍.ഐ.സി. ഉള്‍പ്പെടെയുള്ള പൊതുമേഖലാ സ്ഥാപനങ്ങള്‍ വിറ്റഴിക്കാനും കോര്‍പ്പറേറ്റുകള്‍ക്ക് നികുതിയിളവുകള്‍ നല്‍കുന്നതുമാണ് ബജറ്റ് നിര്‍ദ്ദേശങ്ങള്‍. കേരളത്തെ പൂര്‍ണ്ണമായു അവഗണിക്കുകയും എയിംസ്, കെ-റെയില്‍ എന്നിവയെക്കുറിച്ച് മൌനം പാലിക്കുകയും ചെയ്യുന്നു. പാചകവാതകത്തിന് സബ്സിഡി നിര്‍ത്തലാക്കിയും പെട്രോളിയം ഉല്‍പ്പന്നങ്ങള്‍ക്ക് അധിക നികുതി ചുമത്തിയും ജനങ്ങളുടെ മേല്‍ അധികഭാരം നല്‍കുന്നതാണ് കേന്ദ്രബജറ്റ്. മലപ്പുറം ഡി.ഡി.ഇ.ഓഫീസിനു മുമ്പില്‍ നടന്ന പ്രകടനം എഫ്.എസ്.ഇ.ടി.ഒ.ജില്ലാ […]
വൈദ്യുതി സ്വകാര്യവല്‍ക്കരണത്തിനെതിരായ പോരാട്ടങ്ങള്‍ക്ക് എഫ്.എസ്.ഇ.ടി.ഒ.ഐക്യദാര്‍ഢ്യം.
വൈദ്യുതി മേഖലയില്‍ കേന്ദ്രസര്‍ക്കാര്‍ നടപ്പാക്കുന്ന സ്വകാര്യവല്‍ക്കരണ നയങ്ങള്‍ക്കെതിരെ വൈദ്യുതി മേഖലയിലെ ജീവനക്കാരും തൊഴിലാളികളും നടത്തുന്ന പ്രക്ഷോഭങ്ങള്‍ക്ക് ഐക്യദാര്‍ഢ്യം പ്രഖ്യാപിച്ച് എഫ്.എസ്.ഇ.ടി.ഒ.നടത്തിയ പ്രകടനം മലപ്പുറത്ത് എഫ്.എസ്.ഇ.ടി.ഒ. ജില്ലാ സെക്രട്ടറി കെ.വിജയകുമാര്‍ ഉദ്ഘാടനം ചെയ്യുന്നു. (2022 ഫെബ്രുവരി 1)
കര്‍ഷക-തൊഴിലാളി പ്രക്ഷോഭത്തിന് ഐക്യദാര്‍ഢ്യം
കേന്ദ്രസര്‍ക്കാരിന്‍റെ കര്‍ഷകവിരുദ്ധ നിയമങ്ങള്‍ക്കെതിരെ കര്‍ഷകര്‍ നടത്തിയ ഒരു വര്‍ഷം നീണ്ട സമരത്തിന്‍റെ ഒത്തുതീര്‍പ്പ് വ്യവസ്ഥകള്‍ പാലിക്കാന്‍ തയ്യാറാകാത്ത കേന്ദ്രസര്‍ക്കാര്‍ നയത്തിനെതിരെ സംയുക്ത കിസാന്‍ മോര്‍ച്ചയുടെ ആഭിമുഖ്യത്തില്‍ 2022 ജനുവരി 31ന് നടത്തിയ വഞ്ചനാ ദിനത്തിന് ഐക്യദാര്‍ഢ്യം പ്രഖ്യാപിച്ച് എഫ്.എസ്.ഇ.ടി.ഒ. നേതൃത്വത്തില്‍ നടത്തിയ പ്രകടനം മലപ്പുറത്ത് എഫ്.എസ്.ഇ.ടി.ഒ. ജില്ലാ സെക്രട്ടറി കെ.വിജയകുമാര്‍ ഉദ്ഘാടനം ചെയ്യുന്നു
“സ്ത്രീപക്ഷകേരളം സുരക്ഷിത കേരളം” -വെബിനാർ സംഘടിപ്പിച്ചു
കേരള എൻ ജി ഒ യൂണിയൻ ജില്ല കമ്മിറ്റിയുടെ നേതൃത്വത്തിൽ “സ്ത്രീപക്ഷ കേരളം സുരക്ഷിത കേരളം”എന്ന വിഷയത്തിൽ വെബിനാർ സംഘടിപ്പിച്ചു ,മലപ്പുറം എൻ ജി ഒ ഹാളിൽ നടന്ന വെബിനാറിൽ ജനാധിപത്യ മഹിള അസോസിയേഷൻ അഖിലേന്ത്യാ വൈസ് പ്രസിഡണ്ട് പി കെ സൈനബ പ്രഭാഷണം നടത്തി. ഇന്ത്യയുടെ സാമൂഹിക മാറ്റങ്ങളുടെ മുന്നണിയിൽ സ്ത്രീകളുടെ പങ്ക് തുലനം ചെയ്യാൻ കഴിയാത്തതാണ് , എന്നാൽ ഇന്ത്യൻ ജനാധിപത്യത്തെ അര്ഥശൂന്യമാകുന്ന വിവേചനകളാണ് സ്ത്രീകൾ അനുഭവിക്കുന്നത് . രാജ്യത്തിൻറെ പല ഭാഗത്തും ഇപ്പോഴും […]
വളാഞ്ചേരി ഏരിയ കമ്മിറ്റി രൂപീകരിച്ചു
മലപ്പുറം ജില്ലയില്‍ വളാഞ്ചേരി ഏരിയ കമ്മിറ്റി രൂപീകരിച്ചു. ഇതോടെ ജില്ലയില്‍ 9 ഏരിയകളായി. തിരൂര്‍ ഏരിയ വിഭജിച്ചാണ് പുതിയ ഏരിയയുടെ രൂപീകരണം. തിരൂര്‍ ഏരിയയുടെ ഭാഗമായിരുന്ന മാറാക്കര, ആതവനാട്, കുറ്റിപ്പുറം, കല്‍പ്പകഞ്ചേരി, എടയൂര്‍, ഇരിമ്പിളിയം പഞ്ചായത്തുകളും വളാഞ്ചേരി മുനിസിപ്പാലിറ്റിയും, മലപ്പുറം ഏരിയയുടെ ഭാഗമായിരുന്ന കോട്ടക്കല്‍ മുനിസിപ്പാലിറ്റിയും ചേര്‍ന്നതാണ് വളാഞ്ചേരി ഏരിയ പരിധി. 2021 നവംബര്‍ 24ന് വളാഞ്ചേരി കാവുമ്പുറത്തുള്ള സാഗര്‍ ഓഡിറ്റോറിയത്തില്‍ ചേര്‍ന്ന കണ്‍വെന്‍ഷന്‍ ജനറല്‍ സെക്രട്ടറി എം.എ.അജിത് കുമാര്‍ ഉദ്ഘാടനം ചെയ്തു. സംസ്ഥാനസെക്രട്ടേറിയറ്റംഗം എം.കെ.വസന്ത കണ്‍വെന്‍ഷനില്‍ […]
52-ാമത് ജില്ലാ സമ്മേളനം
52-ാം മലപ്പുറം ജില്ലാ സമ്മേളനം പി.നന്ദകുമാര്‍ എം.എല്‍.എ. ഉദ്ഘാടനം ചെയ്തു. 2021 ഡിസംബര്‍ 19ന് മലപ്പുറം വ്യാപാരഭവന്‍ ഓഡിറ്റോറിയത്തില്‍ ചേര്‍ന്ന സമ്മേളനത്തില്‍ സംസ്ഥാന സെക്രട്ടേറിയറ്റ് അംഗം എസ്.സുശീല സംഘടനാ റിപ്പോര്‍ട്ട് അവതരിപ്പിച്ചു. സംസ്ഥാന സെക്രട്ടറി ആര്‍.സാജന്‍ സംഘടനാ റിപ്പോര്‍ട്ടിന്‍മേല്‍ നടന്ന ചര്‍ച്ചകള്‍ക്ക് മറുപടി നല്‍കി. എഫ്.എസ്.ഇ.ടി.ഒ.ജില്ലാ പ്രസിഡന്‍റ് പി.എ.ഗോപാലകൃഷ്ണന്‍, കോണ്‍ഫെഡറേഷന്‍ ഓഫ് സെന്‍ട്രല്‍ ഗവണ്‍മെന്‍റ് എംപ്ലോയീസ് ആന്‍റ് വര്‍ക്കേഴ്സ് ജില്ലാ കണ്‍വീനര്‍ പി.ഹൃഷികേശ്കുമാര്‍, എന്നിവര്‍ സമ്മേളനത്തെ അഭിവാദ്യം ചെയ്തു. ഭാരവാഹികള്‍-വി.കെ.രാജേഷ് (പ്രസിഡന്‍റ്) എം.പി.കൈരളി, പി.കൃഷ്ണന്‍ (വൈസ്പ്രസിഡന്റ്) കെ.വിജയകുമാര്‍ […]
ജനകീയാസൂത്രണ സിൽവർജൂബിലി സ്മാരകം ഉദ്ഘാടനം ചെയ്തു.
ജനകീയാസൂത്രണ പ്രസ്ഥാനത്തിന്റെ രജതജൂബിലി സ്മാരകമായി കേരള എൻ ജി ഒ യൂണിയൻ മലപ്പുറം ജില്ല കമ്മിറ്റി പൊന്നാനി സ്ത്രീകളുടെയും കുട്ടികളുടെയും ആശുപത്രിയിൽ സജ്ജീകരിച്ചു നൽകിയ പോസ്റ്റ് മെറ്റേണിറ്റി വാർഡിന്റെ ഉൽഘടനം പി നന്ദകുമാർ എം എൽ എ നിർവഹിച്ചു ജനകീയാസൂത്രണത്തിന്‌ ഒരു ലക്ഷം മനുഷ്യാദ്ധ്വാനം സംഭാവന ചെയ്ത യൂണിയൻ, എല്ലാ ജില്ലകളിലും രജത ജൂബിലിയുടെ ഭാഗമായി ഓരോ പ്രൊജക്റ്റ് ഏറ്റെടുക്കുന്നതിന് തീരുമാനിച്ചിരുന്നു .സംസ്ഥാനത്തു ഏറ്റവും കൂടുതൽ പ്രസവം നടക്കുന്ന സർക്കാർ ആശുപതി എന്ന നിലയിലും മൂന്ന് ജില്ലകളിലെ […]
ജില്ലാ സമ്മേളനം അനുബന്ധ പ്രഭാഷണം.
മലപ്പുറം ജില്ലാ സമ്മേളനത്തോടനുബന്ധിച്ച് അനുബന്ധ പ്രഭാഷണം സംഘടിപ്പിച്ചു. സി.ഐ.ടി.യു.സംസ്ഥാന വൈസ്പ്രസിഡന്റ് വി.ശശികുമാര്‍ പ്രഭാഷണം നടത്തി. മലപ്പുറം സിവില്‍ സ്റ്റേഷനില്‍ സംഘടിപ്പിച്ച പരിപാടിയില്‍ ജില്ലാ പ്രസിഡന്‍റ് വി.കെ.രാജേഷ് അദ്ധ്യക്ഷത വഹിച്ചു. ജില്ലാ സെക്രട്ടറി കെ.വിജയകുമാര്‍ സ്വാഗതവും ജില്ലാ ജോയിന്‍റ് സെക്രട്ടറി വി.വിജിത് നന്ദിയും പറഞ്ഞു. (15.12.2021)