പി എഫ് ആർ ഡി എ നിയമം പിൻവലിക്കുക, പങ്കാളിത്ത പെൻഷൻ പദ്ധതി ഉപേക്ഷിക്കുക, കേന്ദ്ര സർവീസിലെയും പൊതുമേഖല സ്ഥാപനങ്ങളിലെയും ഒഴിവുകൾ അടിയന്തരമായി നികത്തുക, പൊതുമേഖല സ്വകാര്യവൽക്കരണം അവസാനിപ്പിക്കുക, ദേശീയ വിദ്യാഭ്യാസ നയം 2020 ഉപേക്ഷിക്കുക, ട്രേഡ് യൂണിയൻ ജനാധിപത്യ അവകാശങ്ങൾ ഉറപ്പുവരുത്തുക, തപാൽ – ബഹിരാകാശ മേഖലയിലെ സംഘടനകളുടെ അംഗീകാരം റദ്ദാക്കിയ നടപടി പിൻവലിക്കുക, സ്ഥിരം തസ്തികകളിൽ ജോലി ചെയ്യുന്ന കരാർ – ദിവസവേതന ജീവനക്കാരെ സ്ഥിരപ്പെടുത്തുക, ആശ്രിത നിയമന വ്യവസ്ഥയിലെ തടസ്സങ്ങളും നിയന്ത്രണങ്ങളും നീക്കുക തുടങ്ങിയ മുദ്രാവാക്യങ്ങൾ ഉന്നയിച്ചുകൊണ്ട് കേന്ദ്ര-സംസ്ഥാന ജീവനക്കാർ നടത്തുന്ന ദേശീയ പ്രക്ഷോഭത്തിന്റെ ഭാഗമായി 2023 നവംബർ മൂന്നിന് നടക്കുന്ന പാർലമെന്റ് മാർച്ചിന്റെ പ്രചാരണാർത്ഥം കേരള എൻ ജി ഒ യൂണിയൻ സംസ്ഥാന പ്രസിഡന്റ് എം വി ശശിധരൻ ക്യാപ്റ്റനും കെ എസ് ടി എ സംസ്ഥാന പ്രസിഡന്റ് ഡി സുധീഷ് വൈസ് ക്യാപ്റ്റനുമായ വാഹന ജാഥ ആലപ്പുഴ ജില്ലയിൽ പര്യടനം പൂർത്തീകരിച്ചു. ആലപ്പുഴയിൽ നടന്ന സ്വീകരണ പരിപാടിയിൽ നഗരസഭ ചെയർപേഴ്സൺ കെ കെ ജയമ്മ അധ്യക്ഷത വഹിച്ചു കെ എസ് ടി എ ജില്ലാ സെക്രട്ടറി പി ഡി ജോഷി സ്വാഗതം പറഞ്ഞു. അമ്പലപ്പുഴയിൽ മത്സ്യത്തൊഴിലാളി യൂണിയൻ ജില്ലാ സെക്രട്ടറി സി ഷാംജി അധ്യക്ഷത വഹിച്ച സ്വീകരണ പരിപാടിയിൽ എൻജിഒ യൂണിയൻ സംസ്ഥാന കമ്മിറ്റി അംഗം എൽ മായ സ്വാഗതം പറഞ്ഞു. ഹരിപ്പാട്ട് കർഷകസംഘം ജില്ലാ സെക്രട്ടറി സി എസ് ശ്രീകുമാർ ഉണ്ണിത്താൻ അധ്യക്ഷനായിരുന്നു കെ ജി ഒ എ ജില്ലാ സെക്രട്ടറി രമേശ് ഗോപിനാഥ് സ്വാഗതം പറഞ്ഞു. കായംകുളത്ത് സി ഐ ടി യു ജില്ലാ ജനറൽ സെക്രട്ടറി പി ഗാനകുമാർ അധ്യക്ഷത വഹിച്ചു. യൂണിയൻ ജില്ലാ പ്രസിഡന്റ് പി സജിത്ത് സ്വാഗതം പറഞ്ഞു. മാവേലിക്കരയിൽ കർഷകസംഘം ജില്ലാ പ്രസിഡന്റ് ജി ഹരിശങ്കർ അധ്യക്ഷത വഹിച്ചു. കെഎസ്ടിഎ സംസ്ഥാന കമ്മിറ്റി അംഗം സി ജ്യോതി കുമാർ സ്വാഗതം പറഞ്ഞു. ചെങ്ങന്നൂരിൽ സി ഐ ടി യു ഏരിയാ സെക്രട്ടറി എം .കെ മനോജ് എൻ ജി ഒ യൂണിയൻ സംസ്ഥാന കമ്മറ്റിയംഗം പി സി ശ്രീകുമാർ സ്വാഗതം പറഞ്ഞു. വിവിധ കേന്ദ്രങ്ങളിൽ നടന്ന സ്വീകരണ പരിപാടിയിൽ ജാഥ ക്യാപ്റ്റൻ എം വി ശശിധരൻ, വൈസ് ക്യാപ്റ്റൻ ഡി സുധീഷ്, മാനേജർ കോൺഫെഡറേഷൻ ഓഫ് സെൻട്രൽ ഗവൺമെന്റ് എംപ്ലോയിസ് ആൻഡ് വർക്കേഴ്സ് സംസ്ഥാന കമ്മിറ്റി അംഗം പി സി സതീഷ് ജാഥ അംഗങ്ങളായ എ കെ ജി സി ടി സംസ്ഥാന സെക്രട്ടറി ഡോക്ടർ വിനു ഭാസ്കർ, കോൺഫിഡറേഷൻ ഓഫ് സെൻട്രൽ ഗവൺമെന്റ് എംപ്ലോയീസ് ആൻഡ് വർക്കേഴ്സ് സംസ്ഥാന കമ്മിറ്റി അംഗം വി കൃഷ്ണകുമാർ, എൻ ജി ഒ യൂണിയൻ സംസ്ഥാന സെക്രട്ടറിയേറ്റ് അംഗം പി വി ഏലിയാമ്മ എന്നിവർ സംസാരിച്ചു. ജാഥ പരിപാടി വൻ വിജയമാക്കിയ അധ്യാപകർക്കും ജീവനക്കാർക്കും എഫ് എസ് ഇ ടി ഒ ജില്ലാ പ്രസിഡന്റ് പി ഡി ജോഷിയും സെക്രട്ടറി എ എ ബഷീറും നന്ദി രേഖപ്പെടുത്തി.